مابي سوى شيء واحد منك يالغالي
أبيك تطمني عن أحوالك
ماتدري إني أضيق وينشغل بالي
لاغبت عني وغابت إخبارك
اشتاق لك وأنت ماتشتاق لوصالي
عاجبك يعني يموت الحب بإهمالك
أبيك يوم تسألني عن أحوالي
حتى لو كنت ماجيت في بالك
شف كيف أبفرح وبقهر كل عذالي
شف وش يسوي سؤالك لعاشقا هالك
ياكثر ماشلت هم غيابك لحالي
شل هم حب شال همومك وشالك
أنا اللي أذكرك في حلي وترحالي
وأشعل شموعي وأتحرى لك
معقول مالي مكان في قلبك الخالِ؟؟
والنوم يحرم لعيني وأنت يهنا لك؟؟
