ياابوي انا جيت لك و النفس ندمانه وفي القلب نار تشب وتشعل أشعالي
ولدك تاه الطريق وكثرت أحزانه وشرب المراره وغيره يـــــــشربــ الحالي
رح خل ينفعك من طاوعتشيطانه صاحبك راعي الوفاء اللي ماله أمثالي
صديقك اللي يعدك ثالث أخوانه وشلون خلاك وقت الضيق للصالي
ياابوي عطفك رميت الروح باحضانه ونثرت دمعه تجي لنشاب الأهوالي
لا عاد تذكر لي الماضي وخلانه راوحوا وشفني وحيد جالس لحالي
غرتك دنياك والأيام خوانه رضيت بالصحبه الحسنه بالأنذالي
وأ غضبت أبوك وفضحته بين جيرانه ونزلت راسه وهو في ما مضى عالي
أنت السبب في الخطأ أنا أدفع أثمانه أهملتني وانشغلت بجمع الأمواليــ
خليتني للهوى وابليس و أعوانه يلعبي الجهل من جال الى جالي
أنا اجمع المال وأتعب حيلي من شانه قرش على قرش وريال على ريالي
واشري لك اللي تبي من وسط دكانه وتختار سيارتك لو سعرها غالي
يا ابوي انا جيت العينين غرقانه تائب عن الذنب وارجي رحمة الوالي
السجن قطع فؤادي صمت جدرانه وظلمة زواياه عنها موتي أشوالي
تعال ياروح أبوك ونبض وجدانه لا عاد تشكي وتبكي يا بعد حالي
الذنب ذنبي وصار وشفت برهانه وقررت أخلي الطمع وأهتم بعيالي
أستغفر الواحد المعبود سبحانـــــــه ومن رفقة السوء أحذر كل الأجيالي
وانا اوصي الأب من فضله واحسانه لا تشغله عن عياله الأعمالي
