أنا أم البنين سماني بو حسين
ضحيت بأولاد أربعة لعيال ياسين
**
انا اللي سماني علي تاج المعالي
بيا صبح هذا الاسم يا ناس غالي
توجني بيه المرتضى وظل راسي عالي
يكفيني سبطين النبي صاروا عيالي
عيوني تراهم روحي فداهم
زينب الحرة الطاهرة فخر النساوين
ضحيت بأولاد أربعة لعيال ياسين
**
من اذكر الوالي علي جان بوصية
قلي عيالي بعهدتج بعد الزجية
وانا قلت هالروح انطيهم هدية
اخدمكم انا ياعلي اليوم المنيه
لو تطلب العين خذها يبو حسين
بس ترضى عني ياعلي الزهراء ام الحسين
ضحيت بأولاد أربعة لعيال ياسين
**
يوم الجبت عباس جاني حامي البين
شاله وضمه وقبله والدمع بالعين
حبه بأدينه وقال ليتج بيه تدرين
هذا القمر يا فاطمة مذخور لحسين
جني اشوفه بقطعة اجفوفه
وأنشطر راسه بالعمد وانفضخ نصين
ضحيت بأولاد أربعة لعيال ياسين
**
ليتج تشوفينه على التربان نايم
ضحى لخوه حسين وينه ومات صايم
قلت انا فدوه يروح بس حسين سالم
ولدي انا اعرفه شبل فخر الهواشم
يبني ياعباس يارفعة الراس
مثله ثلاث بدور راحوا فدوه لحسين
ضحيت بأولاد أربعة لعيال ياسين
**
ياريت انا روحي فدا ياداحي الباب
وانطي العمر كله لكم ياكرام ياطياب
انتوا الثريا وانا يمكم اصبح تراب
خادمه الكم يالرفعم راب الارباب
عالي مكانج معروف شانج
أجرج على الزهره وعلى سيد النبيين
ضحيت بأولاد أربعة لعيال ياسين
**
وليتج تشوفين القمر عالنهر من طاح
جاله اخوه حسين خويه بو الفضل راح
ظهري كسرته يابن ابويه والحما راح
ما انته العمد والبيت وانته ليه مصباح
وزينب ياويلي تنادي كفيلي
انته الجبتني لكربلاء ياشمعة البين
ضحيت بأولاد أربعة لعيال ياسين
**
ردت عليه أم الحسن أم الميامين
أدريج طيبه وعن عيالي ما تقصرين
لو زود عندج ياوفيه هم تقدمين
عباس بيضها بساره وأنطى اليمين
برد أفادي ناصر أولادي
وأشتكي لله من القطع منه الزندين
ضحيت باولاد اربعه لعيال ياسين
